Home

Bon Biní

Apresiabel oyente,

Na promé lugá nos di Gospel StarRadio  kier yamabo danki pa bishitá nos website.

Nos orashon di tur dia ta ku pa medio di nos programashon, kual ta ofresebo un variashon di músika gospel i e palabra di Dios ku ta fuerte i poderoso, lo bo wòrdu bendishoná i edifiká pa medio di Su poder divino.

Nos meta ta :

Pa medio di kansiónnan di adorashon, alabansa i gradisimentu, trese un esfera di pas i trankilidat den bo kurason i pa medio di e bon notisia di e reino kual nos Señor Kristu Hesus a komandá nos pa prediká, ofresébo e kaminda, bèrdat i bida kual lo halabo mas serka di e Rei di reinan i Señor di señornan.

Risibí un pakete di e frutanan ku ta kontené e vitaminanan nesesario pa bo kurpa i bo desaroyo spiritual.

E pakete di e “Kristian ku ta un bendishon

  • FE                        :  E ta bendishon, djis mishi kunÉ den fe i risibí.
  • GOSO                 :  E lagabo disfruta di un goso ku no ta kaba nunka
  • KONFIANSA   :  E realidat di bida ta pa bo no konfia den hende pero den Dios
  • SPERANSA      :  E ke bisabo awe ku tin un speransa nobo pa bo !
  • PAS                     :  E ta dunabo pas No e pas ku mundu ta dunabo
  • PASENSHI       :  E pasenshi aki ta pa bo no kansa ruman i spera riba Dje
  • AMOR                :  E ta dunabo un amor agape

I lo Mi hasibo un nashon grandi i lo Mi bendishonábo i hasibo number grandi i lo bo ta un bendishon……(Génesis 12:2-3)

Bo no ta solamente bendishoná, bo ta un pakete di bendishon ku ta pasa tur kaminda.

Tur loke bo pone bo man riba dje lo prosperá i ken ku bo tin kontakto kuné ta risibí un parti di Dios Su bendishon pasobra e bendishon di Dios riba bo bida ta basha for di bo i bai riba tur kos i tur hende rondó di bo.

Team GospelStarRadio

Gospel Star RadioHome